Nun comunicado, ambos os colectivos aclaran que as obras nese areal focense forman parte do paquete de medidas urxentes para arranxar os danos causados polo temporal no pasado inverno en toda a costa cantábrica, mais están «eliminando un dos xacementos paleoclimáticos máis importantes de Europa».
Ambos os colectivos piden «a paralización inmediata das obras», para preservar «os valores deste xacemento de turba», que ten «uns 120.000 anos» de antigüidade e sobre o que «están actuando directamente as máquinas escavadoras».
Segundo Adega e Mariña Patrimonio, «esta circunstancia pon en risco a conservación da turbeira, que queda exposta ás adversidades meteorolóxicas e á acción do mar, ademais de alterar significativamente a morfoloxí a da praia e, potencialmente, a dinámica costeira da zona». EFEverde
