Libera informou nun comunicado do inicio deste expediente, comunicado onte, que supón o comezo dunha investigación cuxa intención é, sosteñen os animalistas, «mellorar o servizo e a calidade que unha concesión municipal debe ofrecer ao conxunto da cidadanía».
O documento reflicte, precisan, que ademais do «veto» ás fotografías, a canceira carece dun protocolo sobre como atender o público, así como dunha relación dos dereitos e deberes dos usuarios que a visitan, así como dos que deciden adoptar un animal.
Esta organización animalista espera do Valedor que «contribúa a situar un contrato público coa eficacia e eficiencia que se lle supón» nunha concesión de recollida de animais abandonados que supón «un desembolso superior aos 150.000 euros anuais e cuxas ratios de adopción son das máis baixas de España», asegura. EFEverde
