Dividida a cifra por provincias, a máis afectada foi, con diferenza, a da Coruña, cun total de 4.451 intervencións, fronte ás 1.787 de Pontevedra ou á escasa incidencia da presenza deste insecto en Lugo (743) ou Ourense (34).
Presenza da avispa velutina
A primeira vez que foi detectada a presenza da avispa velutina en Galicia remóntase ao ano 2012, no que se actuou sobre unicamente dous niños en toda a Comunidade.
A partir de febreiro de 2014, incrementarase considerablemente a presenza deste especie foránea e a Xunta articula o actual plan para combatela, que redunda xa nese exercicio na retirada de 572 niños.
É 2015 o ano en que o plan cobra músculo ao incorporarse á súa aplicación máis departamentos do Goberno galego que se suman á por entón en solitario Consellería do Medio Rural.
O Plan de Vixilancia e Control da Avispa Velutina contempla, ademais da intervención directa sobre os niños desta especia invasora, a subministración aos apicultores dos concellos afectados de trampas e líquido atrayente para que axuden a combater a súa presenza.
En 2016 foron entregados xa un total de 2.100 packs de trampas e botes de líquido en distintas zonas de toda Galicia. Efeverde
