A xefatura da Coruña imputou tres veciños de Cabanas como presuntos autores dun lume forestal o pasado día 17, cando realizaban unha queima non autorizada, xa que aquel día estaban prohibidas en toda Galicia.
O lume tivo lugar en Cesullas, parroquia deste concello coruñés, e afectou unha a superficie de mil metros cadrados de superficie arborada.
Por outra banda, axentes de Pontevedra imputaron un veciño de Caldas por ser o suposto autor dun incendio forestal imprudente, ao que se lle escapou unha queima forestal no lugar de Calcote, parroquia de Godos, que afectou a 900 metros de superficie arborada.
No que vai de ano a Policía autonómica leva imputado ou detido 48 persoas como presuntos autores de lumes nos montes galegos. EFEverde
