O CEIDA acaba de abrir o prazo de inscrición para dúas edicións do Curso ‘Espazos Naturais Protexidos e Rede Natura dende a óptica municipal’, organizado dentro do proxecto ‘Concellos Verdes’ que este ano está a desenvolver co apoio da Fundación Biodiversidad no marco do programa ‘EmpleaVerde’.
A actividade, de 20 horas de duración, pretende capacitar aos técnicos e persoal de servizos municipais, traballadores/as de consultorías e empresas de servizos ambientais, urbanísticos, etc., así como a traballadores en activo en xeral, en materia de espazos naturais protexidos e Rede Natura 2000 en Galicia, facilitando ferramentas prácticas para a súa xestión dende o ámbito local.
Estará aberta tamén ao público xeral interesado, en función da dispoñibilidade de prazas.
– A edición Norte terá lugar do 16 ao 18 de abril no Edificio da Deputación Provincial de Lugo.
– A edición Sur terá lugar do 18 ao 20 de abril no Edificio da Deputación Provincial de Ourense.
A asistencia é gratuíta e as prazas son limitadas.
Máis información e inscricións en: http://www.ceida.org/gl/formacion-gl/curso-espazos-naturais-protexidos-e-rede-natura-dende-a-optica-municipal
E se desexa consultar máis información do proxecto ‘Concellos Verdes’, pode atopala na seguinte ligazón: http://www.ceida.org/gl/outros-proxectos/concellos-verdes-programa-de-formacion-de-tecnicos-e-persoal-de-servizos-municipais
Debe estar conectado para enviar un comentario.