Núñez Feijóo replicou deste xeito ao alcalde de Vigo, Abel Caballero, que lle reclamou por carta ao titular da Xunta un investimento de 0,9 millóns de euros para crear un bosque na súa cidade despois de que o Goberno autonómico destine 0,3 millóns a unha actuación similar en Santiago.
Tras o Consello da Xunta, preguntado por esta demanda, o presidente galego indicou que a actuación xa estaba prevista hai meses e agradeceulle a Caballero que gabe unha iniciativa desenvolvida pola Xunta nas súas propiedades, o monte Gaiás.
Lembrou que nese mesmo acto ratificou ante o alcalde de Santiago, Agustín Hernández, do PP, que as obras da Cidade da Cultura nesa mesma localización non se van concluír e preguntouse que pasaría se fose a Vigo a dicir que as grandes infraestruturas pendentes nesa cidade non se van facer.
Sinalou que se o alcalde de Vigo cede as parcelas contará co apoio da Xunta para facer o bosque, aínda que o apremou a que sexa máis rápido que coas pendentes para facer a Cidade da Xustiza. EFEverde
