O proxecto SILVA, liderado por Cotesa, aplicarase á xestión forestal sustentable de madeiras nobres, concretamente de cerdeira e nogueira, e de bosques de eucalipto, informa Aimen nun comunicado.
A solución desenvolvida no proxecto SILVA terá un custo entre dous e cinco veces inferior ao das tecnoloxías existentes e, grazas á súa adaptación a drons de á fixa, permitirá obter imaxes con maior resolución que os tradicionais sensores empregados en teledetección, incorporados a satélites ou avións.
Tamén permitirá a monitoraxe dunha área extensa de bosque mediante o uso de ferramentas de información xeográfica, engade a nota de Aimen.
O proxecto SILVA, financiado polo programa Feder Interconnecta 2015, conta cun orzamento próximo aos 2 millóns de euros, prolóngase ata decembro de 2017.
A explotación comercial dos seus resultados está estimada para 2019 ou 2020. EFEverde
