A heroicidade de Francisco Rodríguez Castelo, Benigno Sánchez Lebón e Ignacio Arnáiz Fernández foi lembrada fai tres anos cun monólito nunha homenaxe que a cidade lles agradecerá para sempre.
O 12 de maio de 1976 o «Urquiola», procedente do Golfo Pérsico, quedou embarrancado fronte á Coruña debido a unha mala sinalización dunha agulla rochosa e, aínda que non sufriu moitos danos nun primeiro momento, pediu ser levado a porto.
Porén, os organismos competentes tomaron a decisión de que o petroleiro abandonase a canle e que se afastase 200 millas das costas españolas nunha manobra en que o buque sufriu máis danos e un incendio que provocou unha gran fumeira negra.
O capitán do barco morreu neste incendio ao permanecer no barco ata o último momento e na catástrofe derramáronse 100.000 toneladas de petróleo. EFEverde
