Fotografía de arquivo dun aeroxerador fabricado por Vestas Wind Systems. EFE/C. Ringbaek

EMPRESAS VESTAS

Os traballadores de Vestas desconvocan a folga despois de acordo coa empresa

Publicado por: Redacción EFEverde 24 de julio, 2014 Lugo

A folga convocada polo comité de empresa, que mantivo parada durante cinco días a fábrica de xeradores para turbinas eólicas da multinacional danesa Vestas no municipio de Viveiro, quedou desconvocada despois de que o cadro de persoal asinase un acordo coa dirección da factoría para solucionar este conflito.

O presidente do comité de empresa, Julio López, confirmou que o acordo foi posible porque a patronal aceptou prorrogar o actual convenio colectivo até decembro de 2015, de forma que non se aplicarán as condicións de "flexibilidade" laboral que pretendía impor a empresa nos horarios do cadro de persoal.

Igualmente, pactouse unha "pequena suba salarial para o próximo ano", que se negociará ao inicio dese exercicio e ficará consolidada, e unha  puntual para compensar o ano e medio que leva o citado convenio colectivo en proceso de negociación.

Na fábrica da multinacional Vestas no lugar de Chavín traballan actualmente 244 persoas. EFEverde

Secciones : Galego
Redacción EFEverde

Un equipo de periodistas especializados en periodismo e información ambiental de la Agencia EFE.