A Xunta non adoptará medidas contra a contaminación derivada da proliferación de bolsas de plástico dun só uso e esperará á normativa do Goberno central, afirmou hoxe a directora xeral de Calidade Ambiental e Cambio Climático, María Cruz Ferreira.
Utilización de bolsas de plástico
A representante do Goberno autonómico sinalou que “non procede adoptar outras normas” nun momento en que “o Goberno estatal está a piques de publicar unha normativa” respecto diso.
Ferreira respondeu así a preguntas da deputada do PSdeG Patricia Vilán de “por que non hai en Galicia tributos sobre a utilización de bolsas de plástico dun só uso” e sobre se a Consellería prevé establecer “máis tributos sobre os custos ambientais”.
A representante da Xunta, que dedicou parte do seu tempo para enumerar unha serie de normativas e tributos vixentes, e a lanzar reproches á oposición, afirmou que a Xunta está “a traballar nunha estratexia” que podería presentar nos próximos meses.
Indicou que, como parte diso, instaurou debates baixo a fórmula de “café faladoiro” para abordar varios aspectos, incluído os “tributos ambientais”.
Ferreira asegurou que a Xunta ten un compromiso de “maiores esixencias ambientais”, pero afirmou que a Consellería de Medio Ambiente non ten previsto modificar a fiscalidade sobre contaminación. EFEverde
