Ese departamento advirte de risco por temporal marítimo, neve e vento en diferentes puntos da península, As Canarias e as Baleares durante o martes e o mércores.
De acordo coas predicións da Axencia Estatal de Meteoroloxía (Aemet), o martes o temporal marítimo afectará ás costas de Galicia, Asturias, Cantabria e o País Vasco, e o mércores 26 estenderase tamén ás costas de Granada e Almería, en Andalucía.
O temporal levará neve nas cadeas montañosas na metade norte peninsular, con maior intensidade no cordal Cantábrico, onde poderá acadar ata 20 centímetros de grosor, e o martes haberá ventos fortes nalgunhas zonas da metade norte e leste peninsular, así como nas Canarias e nas illas Baleares.
Na cadea prelitoral de Tarragona serán de maior importancia, con refachos que poderán acadar os 90 quilómetros por hora.
A partir do mércores a situación previsiblemente irá mellorando.
Protección Civil recoméndalles aos cidadáns estar informados e prestar especial atención ás normas preventivas da súa comunidade autónoma, que poderá tomar medidas puntuais segundo a situación meteorolóxica.EFEverde en Galego
jld-ppm/agc/xb
