EFEverde.- Os apicultores reclamaron da Consellería do Medio Rural máis medios e unha mellora no plan de vixilancia e control da avespa velutina en Galicia.
A Asociación Galega de Apicultores (AGA) informou da reunión celebrada nesta semana dos produtores con representantes da Consellería do Medio Rural, que fixeron un resumo das actuacións "bastante optimista, cando o sector considera que estas actuacións son manifestamente mellorables", sinala nun comunicado.
Ademais, propón que desde Galicia se soliciten programas de investigación aplicada sobre este insecto , "xa que en Galicia nunca se fixo nada neste campo", e considera que "hai que continuar facendo presión" até conseguir os medios necesarios para que o 012 poida retirar os niños, sen que os profesionais do sector teñan que facer este labor, "pondo en perigo a súa propia vida". EFEverde
