O director da Territorial Noroeste do BBVA, Juan Carlos Hidalgo, visitou hoxe as instalacións da compañía, rexentada pola enxeñeira Lola Palacio, única representante galega na cuarta edición do Momentum Project, un certame que selecciona anualmente 10 proxectos de emprendedores con impacto social, no que colaboran tamén ESADE e PwC, e ofrécelles apoio financeiro.
«Creamos un vidro multifuncional que pode facer moitas cousas, desde escribir a fixar tecidos e documentos en papel a proxectar imaxes», sinalou á EFE Palacio, que destacou tamén a posibilidade de utilizar o material para videoconferencias.
A empresa conta tamén coa colaboración da Fundación Juan XXIII, que elabora accesorios magnéticos nos seus centros ocupacionais para persoas con discapacidade intelectual e que espera agora colaborar de maneira «intensa» con Concepto Industrial, en palabras da súa directora, Carmen Puga.
Concepto Industrial participará este xoves en Madrid no Social Investment Day, en que se exporán os plans de desenvolvemento das 10 empresas que participan no Momentum Project. EFEverde
