Este incendio iniciouse o pasado luns na parroquia de San Xoán de Laíño, en Dodro, e foi controlado onte ás 22:45 horas tras propagarse por Rianxo.
A Consellería do Medio Rural acaba de facer público o balance da mañá deste xoves dos incendios forestais superiores a 20 hectáreas.
As últimas estimacións provisionais achega do lume en Rianxo son de 1.120 hectáreas, delas 900 de monte arborizado e 220 de raso.
[box type=»shadow» ]Para controlar as virulentas chamas deste incendio, avivadas por intensos refachos de vento, mobilizáronse dous técnicos, 47 axentes, 46 brigadas, 31 motobombas, cinco pás, sete helicópteros, cinco avións e efectivos da Unidade Militar de Emerxencias (UME). [/box]
Na provincia da Coruña extinguiuse esta mañá un incendio rexistrado na parroquia de Capela, en Toques, que comezou onte ás dez da noite e quedou apagado ás 7:20 horas de hoxe.
Segundo estimacións provisionais, queimou 35 hectáreas, das cales 27 son monte arborizado e oito raso.
Na súa extinción interviñeron catro axentes, catro brigadas, cinco motobombas e unha pá.
Na provincia de Ourense tamén se extinguiron os tres incendios que se iniciaron estes días, como o da parroquia de Santigoso no Barco de Valdeorras, apagado onte ás 20:00 horas tras comezar a arder o martes ás 20:45 horas.
Neste lume había dous focos, o que para Medio Rural evidencia a «clara intencionalidade» das chamas, que calcinaron 121 hectáreas, delas 11 de monte arborizado e 110 de monte raso.
Para extinguir este lume foi necesaria a participación de dous técnicos, 10 axentes, 12 brigadas, cinco motobombas, un helicóptero e catro avións.
Así mesmo, apagáronse os incendios de Calvos de Randín e Chandrexa. EFEverde
