O Goberno local informou de que se sumou a esta iniciativa para contribuír a concienciar os lucenses «do grave problema que supón o cambio climático e en defensa do medio natural».
En España, precisou, son máis de 160 as cidades adheridas de momento a esta campaña, aínda que WWF quere chegar a superar a cifra de 260 concellos «neste apagón simbólico» da iluminación dos seus principais monumentos e edificios públicos.
En todo o mundo, está previsto que se sumen a esta iniciativa unhas 7.000 cidades. EFEverde
