EFEverde.- A neve que caeu durante a fin de semana en cotas altas da provincia de Lugo deixou hoxe sen clase 80 alumnos, todos eles pertencentes a municipios da comarca da Montaña.
Os oitenta alumnos afectados pola nevarada pertencen a oito centros, dos municipios de Cervantes, Folgoso do Courel, O Incio, Pedrafita, Samos e Navia de Suarna.
Na maioría dos casos, só estiveron afectadas rutas determinadas do transporte escolar, aínda que no colexio Ponte de Doiras, de Cervantes, se suspendeu a actividade lectiva. EFEverde
