O alcalde de Mondoñedo pide que a A-8 sexa pechada nos días de néboa

«Hai que procurar alternativas e procurar solucións a este tema, porque os sistemas antinéboa instalados, aínda que nos dixeron na inauguración que son a última tecnoloxía e que serían suficientes, a realidade di o contrario», lamentou o rexedor local nunhas declaracións á EFE.

Segundo Orlando González, «hai que procurar unha alternativa» e, «se hai que pechar a autovía nos días de néboa» para garantir a seguranza dos usuarios, «hai que pechala».

O alcalde aclarou que, para tomar esa medida, primeiro o Ministerio de Fomento debe arranxar e pór en condicións o trazado da estrada Nacional 634, algo que «o Goberno local de Mondoñedo xa solicitara», porque esa é a vía «que os mindonienses seguen utilizando para coller a autovía».

«Pedimos no Ministerio de Fomento que se arranxe esa estrada, mais dixéronnos que non había diñeiro. En todo o caso, dada esta situación, co que pasou, penso que hai que arranxar a Nacional 634», insistiu.

Ademais, opina que hai que «mellorar a sinalización e pór novos sistemas» de seguranza para reforzar o dispositivo «antinéboa» de que dispón a autovía do Cantábrico nesa parte do trazado. EFEverde