Vigo (EFEverde Galego).- Máis de 65.000 persoas achegáronse a visitar o Mercado da Colleita en Vigo, que este venres pechará as súas portas tras dous meses e medio de funcionamiento e 55 actividades organizadas en torno ao ámbito rural, entre charlas, degustacións e talleres, informaron hoxe os organizadores.
Un total de dezanove iniciativas empresariais cos seus produtos participan nesta iniciativa no centro da cidade, na rúa Policarpo Sanz.
Trátase dunha proposta impulsada polas empresas Corporación Hijos de Rivera, R e Gadis co obxectivo de promover o desenvolvemento socioeconómico de Galicia e a sostibilidade do medio rural.
Polo Mercado da Colleita pasaron dende os iogures da Casa Grande de Xanceda ás esponxas vexetais de Ibérica de Esponxas, e tamén as marmeladas de Amorodo, os queixos de Cortes de Muar, as galletas mariñeiras de Daveiga, os ovos camperos de Pazo de Vilane, os aceites de Olei ou os iogures de Arqueixal.
Completaron a oferta os zocos de Elena Ferro, as castañas de Naiciña, os xeados de Bico de Xeado, o mel de Abella Lupa, o aboamento de lombrigas de Ecocelta, as cestas de Idoia Cuesta, as galletas de Granxa Maruxa ou as mazás coas que se elabora a sidra Maeloc e as uvas dos viños Ponte da Boga. EFE
jmr/am
